Donald Lu rrëfet, ja puna e parë që kam bërë dhe si u bëra diplomat

0
159

Ambasadori amerikan në Tiranë, Donald Lu, ka rrëfyer se një nga punët e para që ka bërë ishte furrtar. Lu ishte i pranishëm në ceremoninë e çmimeve për të diplomuarit e trajnimit profesional, ku gjatë fjalës së tij tha se kur ishte në vitin e parë në Universitet zgjohej çdo ditë në orën 05:00 dhe mësonte si të bënte ëmbëlsira, torta, biskota, bukë.

“Një nga punët e mia të para ishte si furrtar. Ishte viti im i parë në universitet dhe çdo ditë zgjohesha në orën pesë të mëngjesit dhe mësoja si të bëja bukë, biskota, torta dhe ëmbëlsira. Ishte një punë e mrekullueshme, sepse i gjithë dyqani i bukës mbante erën e këndshme të ëmbëlsirave të mrekullueshme dhe të bukës së freskët”, u shpreh ambasadori Lu.

Fjala e ambasadorit e publikuar në faqen e ambasadës

Të dashur të diplomuar,

Një nga punët e mia të para ishte si furrtar. Ishte viti im i parë në universitet dhe çdo ditë zgjohesha në orën pesë të mëngjesit dhe mësoja si të bëja bukë, biskota, torta dhe ëmbëlsira. Ishte një punë e mrekullueshme, sepse i gjithë dyqani i bukës mbante erën e këndshme të ëmbëlsirave të mrekullueshme dhe të bukës së freskët.

Jam në dijeni se disa nga ju të diplomuar keni ndjekur kurse të avancuara gatimi, të ofruara nga instruktorë të jashtëzakonshëm, si Xhafer Bejdo nga Durrësi. Të tjerë kanë mësuar rreth menaxhimit të bizneseve turistike, shërbimit ndaj klientëve dhe punës si recepsionistë. Një falenderim i veçantë për partnerët kryesorë të biznesit të këtij projekti: Hotel Tirana Internacional, Hotel Serenity Tiranë dhe Restaurant Delux i Durrësit.

Jam shumë i kënaqur të dëgjoj se ky program ka vendosur 164 nga ju si stazhierë në sektorin energjik të turizmit të Shqipërisë. Më pëlqen që 62 kanë gjetur punë tashmë. E di që më shumë prej jush do të gjejnë punë në ditët e ardhshme.

Shumë të rinj të talentuar në Shqipëri po kërkojnë punë të mira. Dimë gjithashtu se shumë kompani e kanë të vështirë të gjejnë punonjës të kualifikuar dhe të trajnuar. Bravo për Elton Ilirjanin dhe Grupin “Headhunter” që janë një pionier në gjetjen e vendeve të punës dhe trajnimin e shqiptarëve të mençur e të aftë për të konkurruar për ato vende pune.

Jemi krenarë që jemi partnerë me qeverinë suedeze, por edhe me Ministrinë e Financave dhe Ekonomisë që drejton qendrat e formimit profesional në Shqipëri. Qëllimi ynë është që ky program pilot i suksesshëm të mund të shtrihet nga Ministria e Financave dhe Ekonomisë për trajnime profesionale për mijëra stazhierë nga i gjithë vendi.

Nxis më shumë të rinj të aplikojnë këtë vit në këtë program të suksesshëm. Ju dëshironi punë të mira dhe ne duam që ju të jeni gati për ekonominë moderne.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here