Një seri sulmesh ndaj rojeve të burgut nga të burgosurit në institucionet anembanë Francës kanë çuar në një grevë mbarëkombëtare në vend.
Sindikatat kanë premtuar një “bllokadë totale” të burgjeve , pasi mosmarrëveshja e tyre me qeverinë mbi përmirësimet e sigurisë dhe rritjen e pagave hyn në javën e saj të dytë. Ministri francez i drejtësisë Belloubet tha se do të takohet me krerët e sindikatave në përpjekje për t’i dhënë fund krizës. Javën e kaluar, sindikatat hodhën poshtë propozimet e qeverisë për t’i dhënë fund grevave. Rojet në burgjet anembanë vendit, përfshirë institucionet e sigurisë së lartë janë ftuar të marrin pjesë në protesta të mbështetura nga bashkimi CGT i Francës, forca Ouvriere (FO) dhe Bashkimi i Drejtësisë Ufap-Unsa.
Ministria franceze e drejtësisë ka nxitur përfaqësuesit e sindikatave që të “rifillojnë dialogun menjëherë”, duke shtuar se është përgjegjësi e të gjitha palëve për të siguruar funksionimin e burgjeve. Greva vjen pasi një numër i madh gardinaësh u plagosën gjatë trazirave në disa burgje. Javën e kaluar, tre oficerë u sulmuan në burgun e Fresnes, i cili ndodhet në jug të Parisit. Të dielën, dy roje burgu kërkuan trajtim mjekësor pasi u sulmuan në një qendër burgimi në burgun Longuenesse, pranë Calais, sipas zyrtarëve të burgut. Aktualisht, shërbimi i burgjeve punëson 28,000 roje në 188 institucione që mbajnë rreth 78,000 të burgosur.
