Teksa është angazhuar për një kauzë mjaft sensitive, moderatorja Albana Osmani tregon se ka një merak që të bëjë një vepër që të lërë gjurmë edhe në vendlindje. Në ‘Tonight Ilva Tare’, ajo tha se në planet e saj është ndërtimi i një azili pleqsh në Valbonë.
Albana Osmani: Duke vrarë mendjen me këto çfarë po merrem, duke dashur të ndihmoj spitalet, fëmijët, kam dëshirë të bëj në vendlindjen time një gjë. Nuk ka as spital, as poliklinikë, është një gjë tranzit për një rast të jashtëzakonshëm.Tashmë kanë filluar të shkojnë shkurt drejt dhe në Kosovë sepse janë shumë ngjitur. Duke vrarë mendjen po mendoja, ok çfarë mund të bëj unë një ditë nëse gjithçka do të shkojë global, do të ketë shumë të ardhura që do të mblidhen në ndihmë të Shqipërisë dhe shqiptarëve? E di çfarë, një gjë akoma më të zgjuar, duhet bërë një azil pleqsh në Valbonë. Jo për biznes, unë nuk mendoj për biznes. Do të ishte mirë se do të provonte Shqipërinë.
Misionet humanitare duken se e kanë përfshirë aq shumë saqë edhe fatin e saj e sheh të lidhur me të.
Albana Osmani: Nuk dua të tingëlloj naive, por nuk jam impresionuar nga paratë. Edhe pse në jetë ende jam single, dua të marr një burrë të pasur që të paktën gjysmën e pasurisë t’ia çoj për bamirësi.
