Pas shumë ndryshimeve në karrierën e tij, Balotelli duket se ka rigjetur veten me Nice në Francë.
Italiani ka bindur drejtuesit e klubit duke u kthyer në sulmuesin kryesorë të skuadrës, ndaj të cilit tashme kanë nisur edhe interesimet e skuadrave të tjera.
Por për të hedhur poshtë këto zëra ka menduar Presidenti i Nice, Jean-Pierre Rivere. “Një largim i Marios? Jo, është e pamundur, është e paimagjinueshme. Ai është shumë i rëndësishëm për ne”. Ka thënë Presidenti.
Jean-Pierre Rivere tha se pavarësisht rritjes së vlerës së kartonit të lojtarit, ai nuk mendon fare për ta larguar, por për të ngritur sa më lart skuadrën në Ligue 1.
