Gjashtë punonjës të HECit të Valikardhës në Bulqizë raportohet se janë dhunuar këtë të martë nga 7 persona të armatosur dhe me maska.
Ngjarja e rëndë është shënuar pasditen e kësaj të marte, ndërsa policia e Bulqizës është nisur drejt vendit të ngjarjes.
Mësohet se 2 prej 6 personave të lënduar kanë marrë plagë të rënda dhe ndodhen në kujdesin intensive të mjekëve.
Banorë të zonës kanë kundërshtuar gjithmonë ndërtimin e HECit dhe janë shprehur kundër ndryshimit të rrjedhës së lumit në Mat, çka sipas tyre do kishte pasoja të rënda të ekosistemit.
