Policia e Vlorës i ka vënë prangat një 40-vjeçari tepër agresiv: ai dhunonte gruan, djalin e tij të vogël, por edhe babanë e vet.
Ysni Dosi u arrestua në flagrancë dhe rezultoi se ai për një kohë të gjatë kishte ushtruar dhunë fizike ndaj tre familjarëve:shtetases L.D., 39 vjeçe, djalit të mitur A.D, 13 vjeç si edhe ndaj babait të tij, B.D. që ishte me urdhër mbrojtje
Ysni Dosi përveç rasteve të kryerjes së veprës penale dhunë në familje rezulton i dënuar edhe herë të tjera për një tjetër vepër penale, atë të vjedhjes.
Materialet i janë referuar Prokurorisë së Rrethit Gjyqësor Vlorë ndaj tij për veprën penale “Dhuna në familje” parashikuar nga neni 130/a/4 i Kodit Penal.
