Zjarret janë bërë kërcënim deri edhe për sigurinë kombëtare të vendit e megjithatë, siç duket nuk janë në fokus të shqetësimit kryesor të kryeministrit Rama.
Për këtë shqetësim ka reaguar edhe ish-kreu i LSI-së njëherëshe dhe kryetari i grupit parlamantar i kësaj force politike, Petrit Vasili.
Me anë të një postimi në rrjetin social facebook Vasili shkruan se:
“Zjarre të frikshme që po asgjesojnë pasuri natyrore dhe prona të qytetarëve.
Aleanca e kryeministrit me qytetarët thjesht një demagogji mizore, hipokrite, frikacake.
“Postimi i plotë
Situatë e jashtëzakonshme, Shqipëria në flakë.
Zjarre të frikshme që po asgjesojnë pasuri natyrore dhe prona të qytetarëve.
Aleanca e kryeministrit me qytetarët thjesht një demagogji mizore, hipokrite, frikacake.
1. Ku është qeveria?
2. Pse nuk shpallet gjendja e jashtëzakonshme?
3. Ku është shtabi qeveritar i emergjencës?
4. Ku është shteti që, në këto ditë të rënda, duhej të ishte i gjithi në këmbë?
Apo le të digjet vendi dhe pastaj vjen kryeministri për ngushëllim dhe qan me kujë?
Shqipëria digjet, kryeministri krihet.
“Deri kur kështu ma?”, thoshte Migjeni i madh.
