Liderët botërorë u takuan të gjithë sëbashku në samitin G20 në Hamburg të Gjermanisë, dhe nuk mund të mungonin disa momente pikante. Disa nga shkrepjet e bëra kanë kapur momente të çuditshme të xhesteve të liderëve si kjo foto më poshtë për shembull që lë të kuptohet se sa “e duron”, kancelarja Angela Merkel, Presidentin amerikan Donald Trump, i cili në foton e përbashkët të bërë në Shtëpinë e Bardhë pak kohë më parë nuk i zgjati as dorën, edhe pse Merkel kërkoi shtrëngim duarsh.
Po ashtu nuk mund të lihet pa u përmendur edhe takimin të cilin e priste e gjithë bota më kuriozitet, mes Trump dhe Presidentit rus Vladimir Putin. Dy liderët zhvilluan dhe takimin e parë mes tyre ku fjalët që mësohet të kenë shkëmbyer fillimisht janë: “Kënaqësi që takohemi!”.
