Një 64-vjeçar është gjetur i pajetë sot në Elbasan. Burime zyrtare nga policia lokale bënë me dije se viktima është Nebi Guga, infermier në Njësinë Administrative Lunik në Bashkinë e Librazhdit.
Nga të dhënat paraprake, dyshohet se 64-vjeçari ka ndërruar jetë nga një atak kardiak. ‘BalkanWeb’ mëson se ai ishte i ve dhe bashkëjetonte me një femër nga qyteti i Elbasanit.
Sakaq, trupi i personit te pajete është dërguar në morgun e Qendrës Spitalore të Elbasanit për t’ju bërë autopsia, për të konfirmuar edhe shkaqet e vdekjes.