E fejuara e Gazmend Çollakut, i cili u mor peng dhe më pas u gjet i vrarë në fshatin Murqin të Krujë, ka dalë sot para gjykatës për të dëshmuar në procesin kundër Denis Shtrazës, i cili akuzohet të jetë autori i vrasjes.
Amanda Thano ka treguar para togave të zeza se ditën kur ndodhi ngjarja kishte drekuar në Golem me të fejuarin e saj dhe më pas ishin kthyer në Durrës.
“Pasi erdhëm në Durrës, u ndamë. Më vonë Gazi nuk po më përgjigjej në telefon. Shkova tek lokali dhe aty mora vesh për ngjarjen”, pohoi ajo në sallën e gjyqit.
