Enno Bozdo, Sekretari Organizativ në Partinë Demokratike, shprehet se tani nuk ëhstë koha për keqardhje, por për angazhimin e gjithsecilit prej demokratëve në fushatë.
Gjithashtu Bozdo e cilëson si të pandershme kërkesën e bërë pak ditë më parë nga ish-Kryeparlamentarja Jozefina Topalli dhe ish-ministri Mbrojtjes Arben Imami për shkarkimin e Lulzim Bashës nga posti i Kryetarit të PD-së, shkruan gazeta Shqiptare.
“Sekretari organizativ i shërben Partisë Demokratike në çdo pozicion të mundshëm. Keqardhje? Kjo e tashmja nuk është koha për keqardhje, por për mobilizim nga gjithsecili prej nesh.
Nuk është e ndershme që të kërkon shkarkimin e kryetarit të një partie politike kur fushata sapo ka nisur.
Unë arrij të kuptoj gjithçka, edhe emocionet njerëzore, por fushata është betejë dhe në betejë disiplina është e shenjtë. Ne duhet të bëjmë gjithçka për ta fituar këtë betejë”, tha Bozdo.