Skenat tipike të zyrave të administratës publike në Shqipëri janë goxha të njohura për qytetarët e këtij vendi. Ndërkohë që sekretare dhe punonjëse të zyrave janë duke pirë kafe ose janë duke lyer thonjtë ose duke drejtuar flokët, ndërkohë qytetarët mbeten pas derës duke pritur me orë të tëra.
Treguesi më i mirë i shkërmoqjes së administratës është njëkohësisht edhe një tregues i gjithë shtetit, neglizhencë dhe trajtimi i pronës publike si të ishte private.
Një qytetar nga Shëngjini i Tiranës ka shkruar pranë JOQ:
Përshëndetje JOQ! Administrata e Shëngjinit kthehet në parukeri, unë duke pritur aty për të marrë një certifikatë dhe këto drejtonin flokët. Kthenin administratën në parukeri. Mjerë ne çfarë shteti kemi”, përfundoi qytetari.
Administrata e Shëngjinit është në varësi të Bashkësie së Tiranës, por lali Eri nuk i tregon kurrë këto anë.
