Një kamion ka hyrë mes turmës së njerëzve në Stokholm të Suedisë, njoftojnë mediat vendase. Kamioni hyri në rrugën Klarabergsgatan, e cila është një ndër më të frekuentuarat nga këmbësorët, ndërsa nga ngjarja njoftohet për 5 te vdekur dhe disa të plagosur.
Sipas dëshmitarëve janë dëgjuar edhe disa të shtëna me armë zjarri. Nuk dihet ende nëse bëhet fjalë për sulm terrorist.
Kamioni u përplas më një turmë njerëzish që kishin dalë jashtë një qendre tregtare në kryeqytetin suedez. Në pamjet e publikuara nga mediat e huaja shihen njerëz që vrapojnë të tmerruar si dhe disa të tjerë të shtrirë në rrugë. Gjithashtu në pamje shihen edhe shenjat e gomave të kamionit.
Policia ka mbërritur në vendngjarje dhe ka evakuuar banorët. Ngjarja vjen disa ditë pasi një tjetër sulm i ngjashëm me makinë u krye në Londër. Khalid Masood 52 vjeç u fut me një makinë mes njerëzve duke vrarë 5 të pafajshëm, ndërsa plagosi mbi 50 të tjerë. Ai qëllua për vdekje nga policia, ndërsa nga hetimet paraprake rezulton se ishte konvertuar në fenë islame dhe sulmi konsiderohet si vepër e terroristëve.
— Johnny Chadda (@johnnychadda) April 7, 2017
— Johnny Chadda (@johnnychadda) April 7, 2017
Something's happening on Drottninggatan and around Stockholm. pic.twitter.com/YPbrZSe5Mb
— Johnny Chadda (@johnnychadda) April 7, 2017
