Tre persona janë arrestuar në Angli për vrasjen e 21-vjeçarit shqiptar Shkëlzen Dauti. Të arrestuarit janë dy burra dhe një grua, shkruan BBC.
Shkëlzen Dauti u godit me thikë në gjoks dhe u gjet në orët e para të ditës së shtunë i shtrirë në rrugët e Southamptonit. Ekipi i Krimit në Hampshire ka arrestuar një grua 30-vjeç, një burrë 27-vjeç dhe një burrë 28-vjeç të dyshuar për vrasjen.
Shqiptari njihej në Angli me emrin Genny.
Shkaqet për vrasjen e 21-vjeçari shqiptar janë ende të paqarta, ndërsa po vijon hetimi dhe puna për zbardhjen e këtij krimi.