Një aksident ka ndodhur mbrëmjen e djeshme në Shkodër, ku një mjet tip “Benz” me targa AA875 FR ngjyrë blu ka dalë nga rruga duke rënë nga një lartësi.
Aksidenti ka ndodhur në aksin rrugor Shirokë-Zogaj, ndërsa makina ka rënë nga një lartësi prej 20 metrash nga rruga kryesore poshtë shkëmbit në afërsi të bregut të Liqenit të Shkodrës.
Brenda mjetit nuk është gjetur asnjë person, pasi dyshohet se janë larguar pas aksidentit. Edhe spitali rajonal nuk raporton për persona të aksidentuar që prej mbrëmjes së djeshme.
Makina është parë poshtë shkëmbit nga qytetarët të cilët kanë lajmëruar policinë e cila ka mbërritur në vendngjarje dhe po heton për shkaqet dhe motivet e aksidentit.
