Një person ka tentuar të grabisë një kazino mbrëmjen e sotme në kryeqytet. Mësohet tentativa për grabitje ka ndodhur tek një kazino pranë Selvisë.
Autori i dyshuar nuk ka arritur të marrë gjë pasi është goditur me grusht nga roja i sigurisë dhe është larguar me shpejtësi.
Gjatë kohës që është larguar, grabitësit i ka rënë pistoleta nga dora e cila rezultoi se ishte lodër.
Dyshohet se grabitësi është autor i disa grabitjeve të tjera në kryeqytet. Ende nuk dihet identiteti i tij, ndërsa policia në vendngjarje ka nisur hetimet.