Dueti spanjoll pop Los del Río e publikoi hitin në vitin 1994. Që nga ajo kohë, ritmi dhe lëvizjet e kërcimit emblematik kanë qenë në qendër të shumë takimeve me miqtë, festave, mbledhjeve me familjen, ngjarjeve më masive dhe shumë të tjera. Por njerëzit e site-t Distractify së fundi, kanë njollosur kujtimet e fëmijërisë që kanë nga kjo këngë disa fëmijë të viteve ’90, një herë e një kohë, të pastra e të pafajshme. Ose të paktën kjo u ka ndodhur disa njerëzve, kur i kanë ulur për t’u shpjeguar se për çfarë fliste kjo këngë, realisht.
Siç kuptohej, “Macarena” nuk ishte thjesht një këngë e pëlqyeshme kërcimi. Më poshtë është një variant i përkthimit:
Jepi gëzim trupit tënd, Macarena
Sepse trupi yt është bërë për të marrë kënaqësi dhe gjëra të bukura
Jepi gëzim trupit tënd, Macarena.
Hey Macarena!
Macarena ka një të fejuar
Që e ka mbiemrin Vitorino
Dhe kur ai po bënte betimin ushtarak
Ajo po shkonte me dy miq
Macarena ëndërron El Corte Inglés*
*dyqani më i madh tip magazine me produkte të shumëllojshme i Spanjës
Dhe ble veshjet më moderne
Ajo do donte të jetonte në New York
Dhe të të bënte për vete një të fejuar të ri… aaay!
Ekzaktësisht, kënga flet për një vajzë me emrin Macarena që tradhton të dashurin e saj me dy miq ndërsa ai thirret në ushtri. Argëtuese për të gjithë familjen? Jo dhe aq.
Fëmijët e viteve ’90 kur iu thuhet kuptimi i vërtetë i këngës së tyre, para telekamerave, shprehin qartë shokimin. Ikën kujtimet e fëmijërisë.
Huffington Post Italia përshtatur nga Huffington Post Us.
