Në vitin 2009, shkencëtarët e NASAs zbuluan një fenomen – i pagëzuar me emrin “ulërime e hapësirës” – për të cilin nuk kanë një shpjegim të fortë. Ata kishin dërguar një sondë mbi atmosferën e Tokës në kërkim të rrezatimit prej yjeve më të vjetër të Universit. Në vend të kësaj, gjetën ulërimën e hapësirës, shkruan standard.al. Këto valë radio ishin në formën e rrezatimit sinkrotron, i cili është një rrezatim elektromagnetik që vjen prej thërrmijave të ngarkuara. Kjo zhurmë rdio ishte gjashtë herë më e fortë nga sa pritet në vakuumin e hapësirës. Pasi testuan shumë teori, shkencëtarët e NASAs ende nuk munden ta shpjegojnë. Disa prej tyre besojnë se vjen prej yjeve më të hershëm të Universit.