Vjen reagimi i parë nga ana e numrit dy të qeverisë, zëvendëskryeministrit Niko Peleshi lidhur me deklaratat “bombë” të ministrit Ylli Manjani, të shkarkuar nga detyra sot pas takimit që Rama pati me Metën në selinë e Kuvendit.
“Deklaratat e Manjanit treguan se shkarkimi i tij ishte i drejtë”, ka thënë Peleshi me të mbaruar mbledhja e grupit Parlamentar të Partisë Socialiste ku sipas burimeve shkarkimi i Manjanit nuk u diskutua fare. Ish-ministri i Drejtësisë hodhi akuza të rënda mbi shefin e kabinetit dhe ministrat e tij. Manjani pohoi se ministrat dhe dashnoret e tyre mblidheshin te “Santa Quaranta” e Klement Balilit dhe se ky i fundit do ishte arrestuar, nëse policia do donte vërtet.