Deputeti Ben Blushi në një reagim të tij pas lirimit të Ramush Haradinajt shkruan se, kreu i AAK-së duhet të ‘administrojë statusin e tij prej martiri’ për të shmangur krizat e brendshme në Kosovë apo më gjerë.
Blushi thekson se cilësia më e lartë e heronjve është maturia dhe për këtë arsye i bën thirrje Haradinajt që të veprojë me pjekuri.
“Isha i bindur që Ramush Haradinaj do lirohej dhe është çështje kohe dhe pastrimi i të shkuarës së tij nga akuza të gjykuara dhe të paprovuara. Kosova, Shqipëria dhe Bashkësia Ndërkombëtare janë me Ramushin por tani i takon dhe atij të administrojë statusin e tij prej martiri për të shmangur krizat e brendshme në Kosovë dhe më gjerë. Cilësia më e lartë e heronjve është maturia”, shkruan Blushi.
