Një 30 vjeçar shqiptar është arrestuar nga policia italiane në Brescia, pasi policia zbuloi në apartamentin e tij 17 kilogramë lëndë narkotike si dhe disa armë zjarri.
Shqiptari i paidentifikuar u arrestua pasi policia gjeti në apartamentin që ai përdorte rreth 12 kilogramë marijuanë të paketuar, 4 kg kokainë, një aparat për paketimin e drogës, një pistoletë, dy revolver të vjetër dhe 500 fishekë.
Policia zbuloi depon e drogës, pasi u njoftua nga fqinjët e apartamentit ku banonte shqiptari, të cilët kishin vënë re lëvizje të dyshimta.