Policia e Durrësit në bashkëpunim me Prokurorinë e Durrës ka nisur hetim për të hetuar lidhur me firmën që kishte porositur ngarkesën si dhe për të hetuar për bashkëpunëtorë të mundshëm në Shqipëri.
Sipas autoriteteve italiane ngarkesa me pula të ngrira e nisur nga Brazili kishte destinacion Durrësin, por ngarkesa e kokainës u zbulua dje nga autoritetet italiane në portin e tyre
Droga ishte gjetur dje në portin Gioia Tauro dhe operacioni është realizuar nga Guardia Di Finanza e Rexhio Kalabrisë dhe Agjencia e Doganave me koordinimin e Zyrës së Antimafias.
“Lënda narkotike është gjetur brenda një kontenieri frigorigerik që transportonte pula të ngrirë me prejardhje nga Paranagua (Brazil) e me destinacion Durrësin, Shqipëri.” thuhej në komunikatën e shtypit të firmosur nga Prokurori Federico Cafiero De Rah. Prokuror i distriktit të antimafias pranë gjykatës se Rexho Kalabrias.
Droga ishte e ndarë në 17 pako, në total 19 kilogram dhe nëse dilte në tregun e pakicës të ardhurat do të ishin në vlerën e 4 milionë eurove.