Të afërmit e 29 vjeçarit që vdiq në rrethana ende të pasqaruara në Greqi do të protesojnë këtë të enjte përballë ambasadës greke. Familjarët e tij pretendojnë se, i riu u dhunua barbarisht dhe për pasojë ka gjetur dhe vdekjen. Marnikollaj vdiq në ambientet e policisë në Athinë, në fillim të muajit gusht pasi ndodhej me masën detyrim paraqitjen pas shlyerjes së dënimit me 7 vite burg për vjedhje. Sipas policisë, i riu është hedhur nga dritarja e komisariatit. Nga ekspertiza rezultoi se në trupin e tij ishin vërejtur shenja dhune pasi kishte dëmtime në kokë dhe hemorragji të brendshme që mund të kenë ardhur nga rënia nga një lartësi e madhe.
