Ambasada e Shteteve të Bashkuara në Tiranë ka reaguar pas miratimit nga Kuvendi i Shqipërisë të ligjit të “vettingut”, vetëm me votat e mazhorancës.

Në një deklaratë për mediat, Ambasada shkruan se mirëpret vendimin e Parlamentit të Shqipërisë për miratimin e ligjit, duke thënë se “vettingu” do të fillojë procesin e rivlerësimit të prokurorëve dhe gjykatësve.

Ja deklarata:

Ambasada e Shteteve tё Bashkuara mirёpret vendimin e Parlamentit tё Shqipёrisё pёr tё miratuar ligjin e parё pёr zbatimin e reformёs nё drejtёsi. Ky ligj i rёndёsishёm do tё fillojё procesin e rivlerёsimit tё prokurorёve dhe gjykatёsve. Pёrgёzojmё ata Anёtarё tё Parlamentit tё cilёt votuan nё favor tё kёtij hapi tё rёndёsishёm pёr zbatimin e amendamenteve kushtetuese tё aprovuara unanimisht mё 22 korrik. Presim tё shohim aprovimin e plotё dhe nё kohё tё ligjeve tё tjera pёr zbatimin e kёsaj reforme kritike qё gёzon mbёshtetjen e shumicёs dёrrmuese tё shqiptarёve.