“Ashensori u prish në katin e tretë, dhe unë u detyrova të hidhesha. Por kur pashë që pas meje ishte një fëmijë, që rrinte varur, shkova ta ndihmoja, por s’ja dola dot.”. Kështu rrëfen punonjësi i fabrikës së këpucëve, ku humbi jetën dje tragjikisht një 15-vjeçar në Shkozët.

Bardhul Duzha tregon për ‘News24’ momentet e tmerrit që përjetoi në çastin kur u detyrua që të hidhej, për në bazamentin e katit të tretë dhe tentativën e tij, e cila rezultoi e dështuar për të shpëtuar të miturin Klodian Lala.

“Ishim duke punuar që në 8 të mëngjesit, deri pasdite. Po merrnim materialet, ato stolat. Në momentin e fundit, ikën ashensorit lart. Shkoj në katin e tretë, por nuk punonte. U hodha te bazamenti i shesh-pushimit. Kur ktheva kokën pas që ishte një fëmijë pas. Ishte varur tek ashensori, shkoj ta kap, por ramë të dy brenda në gropë. Unë fatmirësisht shpëtova, por djali jo. Nuk e kisha parë ndonjëherë, ndoshta aty punonte nëna e tij. Ne po lëviznim prej atij vendi ku punonim.”, pohon Duzha.