Korrieri shqiptar i arrestuar në brigjet e komunës së San Kataldos në provincën e Lecces është me origjinë nga Vlora, 37 vjec me inicialet T.L.
Ky person rezulton i skeduar nga autoritetet italiane për krime të mëparshme të kryera në territorin italian e të lidhura kryesisht me trafik droge.
Sasia e lëndës narkotike e sekuestruar prej 214 kg marijuanë vlente në treg rreth 2 milionë euro.
Korrieri tjetër i drogës pasi ka braktisur motorin e ujit së bashku me lëndën narkotike në breg të detit është larguar në këmbë në drejtim të komunës Frigole të Lecces. I ndihmuar nga errësira e orëve të par të mëngjesit si dhe nga terreni ai ka mundur t’i shpëtojë ndjekjes së policisë italiane.
