Gazetari bjellorus Pavel Sheremet u vra në një atentat me bombë teksa po udhëtonte me makinë. Mjeti u hodh në erë me një bombë te komanduar në qendër të Kievit. Mediat vendase kanë publikuar pamje të makinës në flakë menjëherë pas shpërthimit. Sheremet ishte një gazetar i njohur investigativ në Ukrainë dhe aktivist i të drejtave të njeriut, i burgosur për disa kohë në Bjellorusi. Ai u vra rrugës duke shkuar në punë, në redaksinë e gazetës Ukrayinska Pravda. Makina ishte në emër të shefes së redaksisë, Olena Prytula.
