Dom Gjergj Meta ka uruar sot të gjithë besimtarët myslimanë shqiptarë me rastin e Fiter Bajramit.
Urimit drejtuar të gjithë besimtarëve muslimanë, Dom Gjergj Meta i ka bashkëngjitur dhe një foto të xhamisë së Durrësit.
Një foto që dëshmon sërish tolerancën dhe mirëkuptimin me të cilën bashkëjetojnë shqiptarët e besimeve të ndryshme.
“Rritemi n’at masë që pranojmë se i përkasim njëri-tjetrit edhe pse të ndryshëm. Rritemi atëherë kur buzëqeshja dhe hareja e tjetrit më gëzon, sepse tjetri është i lumtur. Miqve të mi dhe Myftinisë së Durrësit i uroj Bajramin. Festofshi me zemra të hareshme në familjet tuaja”, shkruan prifti katolik.