Trajneri i Kombëtares Shqiptare, Gianni De Biasi zbret personalisht në fushë për të bërë një thirrje të veçantë për të gjithë tifozët shqiptarë. Ai zgjedh të japë një mesazh në gjuhën shqipe, për të afruar sa më shumë mbështetësit me ekipin. Takimi i fundit miqësor përpara startit të Euro 2016 do të luhet në stadiumin e Bergamos, “Atleti Azzurri” në datën ë Qershor. Fakti që në këtë krahinë jetojnë dhe punojnë shumë shqiptarë, e ka shtyrë trajnerin kuqezi të flasë shkurt dhe qartë;Sipas De Biasit, mbështetja e shqiptarëve në këtë sfidë do të jetë një shtysë mjaft e madhe në prag të Europianit. Një mesazh në shqip mbi të gjitha dëshiron të tregojë se tashmë De Biasi është një ndër miliona shqiptarët e tjerë që jetojnë e punojnë në çdo cep të globit dhe të gjithë janë të bashkuar drejt një qëllimi.
