Kapiteni i Kombëtares Shqipërisë, Lorik Cana, e ka uruar Kosovën pas pranimit në FIFA
Kosova u bë anëtare e 210 në Kongresin e FIFA’s, duke marrë 141 vota, derisa 23 votuan kundër.
Kapiteni i Kombëtares shqiptare, Lorik Cana, duket tejet i lumtur pas pranimit të Kosovës në FIFA. Ai ka postuar në Instagram një foto të flamurit të Kosovës, duke shkruar se tani jemi të barabartë me të tjerët.
“Kosova anëtare më e re në FIFA. Urime, urime, urime. Tani që jemi të barabartë dhe të mosvarur, shpresoj të kemi zhvillim, suksese dhe sa më shpejt të jetë e mundur një të ardhme mbarëkombëtare. Jemi një”, shkroi Cana.