Aksident tragjik në Levan-Vlorë, humb jetën një person

Një aksident automobilistik me pasojë vdekjen ka ndodhur ditën e sotme. Ngjarja ka ndodhur rreth orës 15:00, në autostradën Levan- Vlorë. Sipas policisë, në hyrje të qytetit, pranë fshatit Nartë dyshohet se një automjet tip “BMV” ka përplasur një këmbësor për vdekje. Ende nuk bëhet i ditur identiteti i viktimës, por policia po punon për identifikimin dhe gjeneralitetet e tij. Në vendngjarje ndodhen shërbimet e policisë të cilët po punojnë për sqarimin e rrethanave të ngjarjes