Fier/ 4 persona në gjendje të rëndë, helmohen nga uji i burimit të fshatit

Katër persona me simptoma të helmimit janë paraqitur paraditen e së shtunës në spitalin rajonal të Fierit.   Helmimi dyshohet të ketë ardhur nga uji i burimit në njësinë administrative Frakull, në fshatin Kafaraj. Drejtoria e Shëndetit Publik në Fier ka marrë mostra nga ky ujë për t’i bërë analizat.    Ndërkohë, edhe vetë të shtruarit në pavionin e sëmundjeve infektive dyshojnë se shqetësimet mund t’u kenë ardhur pikërisht nga uji i burimt, të cilin banorët e pijnë prej shumë vitesh.    Mjekët e pavionit thonë se të shtruarit po trajtohen me mjekim intensiv, pasi kanë diare e të vjella, por mund të jetë dhe ndonjë virozë. Për të përcaktuar me saktësi shkakun do të pritet përgjigjia e analizave ditën e hënë.