Polica e Elbasanit, gjatë një operacioni të koduar ‘Bradasheshi”, ka arrestuar 3 persona dhe të sekuestrohen 6 kilogram lëndë narkotike e dyshuar kanabis sativa.
Sipas policisë, në pranga kanë rënë Pëllumb Velija, 25 vjeç, Jemin Kaçuli, 55 vjeç dhe Albian Çakalli, 23 vjeç, pasi gjatë ditës së djeshme, në fshatin Bradashesh, gjatë kontrollit të ushtruar në mjetin tip “Benz” me targa TR 3221 U, në pronësi të Pëllumb Velija, grupi hetimor ka gjetur dhe sekuestruar 6 kg lëndë narkotike, e dyshuar me atë të llojit Cannabis Sattiva.
Ndërkohë, gjatë kontrollit të ushtruar në banesën e Pëllumb Velija, grupi hetimor, ka gjetur dhe sekuestruar 9.45 gr lëndë narkotike e dyshuar me atë të llojit Cannabis Sattiva, 3 telefona celularë dhe automjeti tip “Benz” me targa TR 3221 U.
