Lulzim Berisha mohon miqësinë me Shullazin, “U pagua për të më vrarë”

Lulzim Berisha ka përgënjeshtruar një raport të policisë, sipas të cilit ai ishte mik me Emiiljano Shullazin dhe bashkëpunonin në afera të ndryshme. Kreu i “Bandës së Durrësit”, i dënuar përfundimisht me 25 vjet burg, ka mohuar që të ketë lidhje me Shullazin dhe bandën e tij, që vepron edhe në Durrës. Duke folur në një intervistë për Shqiptarja.com, Berisha thotë se emrin e Emiljano Shullazit e ka hasur për herë të parë në gjyqin kundër tij, në Gjykatën e Krimeve të Rënda, gjatë të cilit i penduari Adriatik Coli ka deklaruar se Shullazi ishte kontraktuar nga kundështarët e Berishës për ta ekzekutuar atë. Sipas Colit, Shullazit ii shin ofruar 200 mijë euro për ta vrarë Lulzim Berishën.