Nishani mbështet protestën e qytetarëve te Liqeni, sot në mesditë do inspektojë punimet

Presidenti i Republikës Bujar Nishani do të shkojë sot në mesditë rreth orës 12:00 në parkun e Liqenit artificial të Tiranës, për të parë nga afër punimet që po kryhen Bashkia e Tiranës për ndërtimin e këndit të lojrave.   Njoftimi është bërë nga Presidenca, e cila thekson se kreu i Shtetit u ftua nga shoqëria civile për të parë vendin ku po punohet.   Presidenti i ofroi shoqërisë civile mbështetjen juridike të Presidencës për kauzën e tyre që kundërshtojnë betonizimin e parkut të liqenit dhe u shpreh se është shqetësues fakti që asnjë institucion shtetëror nuk po reagon për protestën e qytetarëve kundër punimeve brenda parkut të liqenit.