Policia Italiane ka vënë sot në pranga një shqiptarin e dënuar nga Gjytkata e Vlorës me 25 vjet heqje lirie pas masakrës së 9 janarit 2004. Gazeta italiane “Repubblica”, shkruan se shqiptari i dënuar me 25 vite burg, është arrestuar në Giambellino në rrethina të Milano.Sipas gazetës, shqiptari është dënuar nga Gjykata e Vlorës me 25 vite burg për trafikim të qenieve njerëzore dhe emigracion të paligjshëm. Shqiptari, emri i të cilit nuk bëhet i ditur, ka paraqitur dokumente të rreme greke identifikimi, si pasaportë false dhe një patentë. Kontrolli i policisë në fakt ishte rutinë.
Dyshimi lindi tek dokumentet. Pas kontrollit të gishtërinjve, shqiptari rezultonte në kërkim ndërkombëtar. Ai është arratisur në vitin 2006 kur u dënua nga autoritetet gjyqësore shqiptare dhe që prej atëherë ka jetuar në arrati.
Sipas faqes në fjalë, shqiptari është përgjegjës për vdekjen e 21 personave në tragjedinë e Otrantos në vitin 2004, ku drejtonte skafin. Tashmë, ai pritet të ekstradohet në drejtim të Shqipërisë, ndërsa në Itali do të përgjigjet edhe për falsifikim dokumentesh.