Testamenti i Fehmiut për shqiptarët
“Shkëlqim dhe Tmerr”, vëllimi i dytë i librit të Bekim Fehmiut është promovuar në Prishtinë, ku edhe u bë public një testament i papërsëritshëm artistik, në të cilin Fehmiu paraqet dashurinë dhe etikën e shqiptarëve. Nëse pjesa e parë e këtij libri është saga e fëmijërisë, rinisë së hershme dhe e familjes së tij. Ndërsa në të dytën libri vjen si një triller marramendës. Kjo do ti japë mundësi lexuesit që të njohë jo vetëm artin e Fehmiut, por edhe jetën e tij. Libri ka më shumë se 500 faqe dhe është përkthyer nga Anton Berishaj dhe redaktim të Bekim Lumi. Libri në shqip “Shkëlqim dhe Tmerr” – pjesa e dytë, i shkruar nga aktori Bekim Fehmiu është pjesë e bashkëpunimit mes projektit “Mirëdita, dobar dan!” dhe Shtëpisë Botuese Samizdat B92.