Një shqiptare 58-vjeçe, ka humbur tragjikisht jetën në Dibrën e Madhe për shkak se një tufë qensh të rrugës e kanë kafshuar atë në pjesë të ndryshme.
Ndërhyrja e mjekëve të Spitalit të Dibrës nuk kanë mundur t’i shpëtojnë dot jetën asaj. Ngjarja e rëndë ka ndodhur në komunën Qendër Zhupë të Maqedonisë. Dëshmitarë okularë i thanë policisë lokale se në momentin e kafshimit 58-vjeçarja po hidhte mbeturinat në koshat e plehrave.
Shumë shpejt është dërguar në spitalin më të afërt, por nuk u ka mbijetuar plagëve të shkaktuara nga kafshimi i qenve që frekuentojnë vendgrumbullimet e mbetjeve ushqimore.
