Deputeti i PD-së, Luçiano Boçi ka denoncuar sot në Facebook një ngjarje të ndodhur para dy ditësh. Ai thotë se është sulmuar me armë shtëpia e ish-kandidatit të opozitës në Bashkinë e Peqinit.
“Para dy ditësh është goditur me kallashnikov shtëpia ne Pajove e ish kandidatit për kryetar bashkie te Peqinit Albert Krecit. Goditja duket se eshte bere për arsye politike nga falanga te krimit qe sot jane afer Edi Rames dhe qe kerkojne me dhune te kontrollojne zona te cilat i quajne te tyret, sipas ndarjes influente mafioze qe i ka dhene kapobanda ne krye te qeverise.”, shkruan Boçi.
Sipas deputetit të PD-së policia e është munduar ta fshehë ngjarjen, por pas kallëzimit të familjarëve e ka pranuar formalisht.
