Një furgon është përfshirë nga flakët pasditën e kësaj të diele. Ngjarja ka ndodhur në lagjen numër 4 të qytetit të Durrësit.
Sipas informacioneve të para dyshohet se shkak i përfshirjes së mjetit nga flakët ka qenë një defekt teknik. Fatmirësisht nuk ka persona të lënduar, por vetëm dëme materiale.
Policia sqaron se furgoni është me targa DR 2902 F dhe ka qenë i parguar në momentin kur është përfshirë nga flakët.
Menjëherë në vendin e ngjarjes kanë shkuar forcat zjarrfikëse të cilat kanë vënë nën kontroll flakët.
Ndërkohë kanë nisur hetimet për zbardhjen e plotë të ngjarjes.