Dy persona janë arrestuar në flagrancë nga blutë e Sarandës, pasi akuzohen për vjedhjen e një automjeti. Burime nga policia bëjnë me dije se në pranga janë vënë, Emarildo Basha, 21 vjeç dhe Genci Dosti, 36 vjeç, të dy banues në Ksamil. Arrestimi i tyre u bë pasi mbrëmjen e djeshme, në bashkëpunim me njëri-tjetrin ata kanë vjedhur një automjet ti Mercedes-Benz me targë: AA347LF, në pronësi të A.L., të cilin (i dëmtuari) e kishte lënë të parkuar përpara banesës. Policia gjatë ndjekjes së autorëve, kanë bërë të mundur që mëngjesin e së martës, në hyrje të Ksamilit, të bllokojnë mjetin e vjedhur si dhe të kapin në flagrancë dy personat, autor të dyshuar. Gjithashtu, gjatë kontrollit që është ushtruar në banesën e Emarildo Bashës, janë gjetur dhe sekuestruar, 137 fishekë-automatiku model 56 dhe një armë gjahu çifte pa leje bashkë me 10 fishekë .
