Xherdan Shaqiri prej disa orësh është në qendër të medias angleze. Pas shënimit të dy golave ndaj Evertonit, Shaqiri, ka ndarë me gazetarët emocionet e para. Ai i tha gazetarëve se ndihej i lumtur pas golave që për të ishin dhurata më e bukur e fundvitit.
“Ishte ndeshje e bukur për njerëzit në stadium. Everton ishin të mirë gjithashtu. Ndjehem më i mirë pas çdo ndeshje dhe do ta shihni këtë në fushë. Jam i lumtur që kam shënuar për Stoke”
“Ishte një gol i bukur dhe i rëndësishëm për ekipin. Topi ishte i mirë dhe i thellë nga Bojan, përfundimi gjithashtu”.
“Jam kënaqur duke e shikuar pas ndeshjes në TV, por gjëja më e rëndësishme ishin tre pikët”, tha Shaqiri.
