Kreu i Komisionit parlamentar të Ekonomisë, Erion Braçe e ka cilësuar si shantazh ndaj qeverisë veprimin e kompanisë së markimit të karburanteve, GFI Albania.
“Koncesionari ka bërë shantazh ndaj qeverisë. Jemi në negociata me kompaninë. Nuk tërhiqemi nga qëndrimi ynë. Kompania nuk mund të markojë naftën bruto në vend”, është shprehur Braçe.
Sipas deputetit socialist pritet që në muajin janar të nis procesi i analizimit të të gjitha kontratave koncensionare. GFI Albania kërcënoi me bllokim të aktivitetit pasi donte që të bënte edhe markimin e naftës bruto në vend.
