Ministri i Jashtëm i Rusisë Sergei Lavrov tha se personalisht Vladimir Putin e ka telefonuar homologun e tij turk, kur Rusia filloi fushatën ajrore kundër ISIS-it.
Presidenti i Rusisë paraprakisht i kërkoi falje Turqisë në rast se aeroplanët rusë, duke marrë pjesë në sulmet ajrore ndaj terroristëve islamikë, aksidentalisht shkelin hapësirën ajrore të Turqisë, deklaroi Sergei Lavrov, në një intervistë me gazetarët italianë. “Përse Turqia po bombardon kurdët, aleatët amerikanë në rajon”, pyeti ai.
“Moska prej kohësh ka pasur njohuri se xhihadistët e ISIS-it po e përdorin territorin turk për trajnim dhe për kryerjen e një sërë operacionesh, duke përfshirë ato në Kaukazin e Veriut, por nuk jemi prononcuar publikisht, sepse kemi besuar se Ankaraja zyrtare nuk qëndronte pas kësaj”, tha ministri rus Lavrov.
