Felix Magath thotë se Jurgen Klopp do të ishte zëvendësimi ideal për Pep Guardiolën në “Allianz Arena”. Kontrata e Guardiolës në Mynih mbaron në fund të këtij sezoni dhe ende nuk kanë filluar bisedimet për rinovimin e marrëveshjes, teksa Klopp është agjent i lirë aktualisht. “Pyetja se kush do të jetë trajneri i ardhshëm i Bayernit është më interesante se kush do ta fitojë Bundesligën këtë sezon. Guardiola ende refuzon të flasë mbi të ardhmen e tij, por unë mendoj se Klopp do të ishte perfekt për Bayernin”, – tha ish-trajneri i Bayern Munich për “TZ”. Kujtojmë se trajneri aktual spanjoll i kampionit gjerman kontrata me ekipin i mbaron në qershor të vitit të ardhshëm.