Ambasadori i Mbretërisë së Bashkuar, Nicholas Cannon, ka vëzhguar nga afër procesin e votimit në Durrës e Vorë.
“Në Durrës qytetarët ishin të entuziazmuar për të marrë pjesë në votime. Gjithashtu numri i votuesve në këtë qyteti ishte i lartë. Do të shohim se si do të jenë zhvillimet në orët në vijim, e sigurisht që do të koordinohemi edhe me ambasadorët e tjerë”, tha Cannon.
“Kemi parë vetëm disa qendra votimi, por do të presim analizat dhe rezultatet përfundimtare të OSBE-ODIHR. E rëndësishme është që njerëzit të votojnë, nuk ka rëndësi se për kë, por votimi është një e drejtë e rëndësishme”, tha ambasadori i Mbretërisë së Bashkuar nga Vora.
