Driçim Çaka
Ministria e Financave sqaron se në këtë listë nuk janë përfshirë trashëgimtarët, por vetëm ata ish-të dënuar që janë gjallë
Listën e plotë të emrave do ta gjeni në faqen 19 të së përditshmes Standard
Pas hyrjes në fuqi të ndryshimeve në ligjin për dëmshpërblimin e ish-të përndjekurve politikë, Ministria e Financave ka publikuar emrat e ish-të dënuarve që duhet të dorëzojnë dokumentet për të marrë këstin e radhës. Ministria e Financave sqaron se në këtë listë nuk janë përfshirë trashëgimtarët, por vetëm ata ish-të dënuar që janë gjallë. “Dokumentet e kërkuara duhet të futen në një zarf të bardhë, ku në vend të dukshëm të shkruhet emri i ish-të dënuarit që përfiton dëmshpërblimin dhe numri i dosjes. Dokumentet mund të dorëzohen dorazi pranë zyrave të Drejtorisë së Dëmshpërblimeve ose mund të postohen në adresën: Ministria e Financave, Drejtoria e Pagesës së Dëmshpërblimeve, Tiranë”, – thuhet në një njoftim të Ministrisë së Financave. Dokumentat që duhet të dorëzohen:
Për gra ish të dënuara që jetojnë
-Certifikatë personale jo më e vjetër sesa një javë nga data e dorëzimit;
-Nr. Llogarie bankare në lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për persona ish të dënuar mbi 75
-Certifikatë personale jo më e vjetër sesa një javë nga data e dorëzimit
-Nr. Llogarie bankare në lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për persona ish të dënuar politik të gjallë që vuajnë nga sëmundje të rënda
-Raport mjeko ligjor (origjinal me emra dhe mbiemra të anëtarëve me firmë të gjithsecilit dhe me vulë, jo kopje) për paaftësi të plotë për punë e lëshuar nga:
-KEMCAP (KEMP-i epror)
-Certifikatë personale jo më e vjetër sesa një javë nga data e dorëzimit
-Nr. Llogarie bankare në Lek në njërën nga bankat e nivelit të dytë që vepron brenda; territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për persona ish të dënuar që janë gjallë të cilët pavarësisht moshës në momentin e pagesës kanë fëmijë të mitur nën moshën 18 vjeç
-Certifikatë personale jo më e vjetër sesa një javë nga data e dorëzimit
-Certifikatë familjare ku të përfshihet fëmija i mitur
-Certifikatë personale të fëmijës/fëmijëve të mitur
-Nr. Llogarie bankare në Lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).
Për persona ish të dënuar që nuk jetojnë, por në momentin e pagesës kanë trashëgimtarë të radhës së parë në moshë të mitur nën 18 vjeç”
-Certifikatë vdekje të personit ish të dënuar
-Certifikatë personale e të miturit/miturve, trashëgimtarë të rradhës së parë të personit ish të dënuar që nuk jeton më
-Certifikatë familjare të ish të dënuarit ku të përfshihen fëmija/fëmijët e mitur
-Dëshmi trashëgimie që të vërtetojë se fëmija i mitur është trashëgimtar ligjor
-Vendim Gjykate të kujdestarisë mbi të miturin në rastin kur edhe nëna e të miturit nuk jeton më
-Nr. Llogarie bankare në Lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re) në emër të kujdestarit ligjor të të miturit.
Për persona ish të dënuar që janë gjallë dhe në momentin e pagesës nuk kanë mbushur 75 vjeç
-Certifikatë personale jo më e vjetër se një javë nga data e dorëzimit
-Nr. Llogarie bankare në Lek në njërën nga bankat e nivelit të dytë që vepron brenda territorit të Republikës së Shqipërisë (të siguroheni që llogaria është ende aktive ose të hapet një llogari e re).