Pas shumë spekulimeve që zgjoi jeta e tij private, Blerim Destani duket se më në fund ka gjetur dashurinë e tij. Spekulimet për një lidhje të aktorit dhe Anxhela Martinit nuk dolën të ishin të vërteta, gjë që u hodh poshtë edhe nga ai vetë. Por tani, del në pah një thashetheme tjetër, për të cilën Blerimi po qëndron i heshtur. Ai raportohet se është në lidhje me moderatoren Liberta Spahiu. Këto thashetheme kanë burim nga vizita e Libertës në Dubai, ku ajo kaloi festat e fundvitit dhe festoi ditëlindjen e saj në shoqërinë e Blerimit dhe miqve të tyre. Edhe disa fotografi të postuara në rrjetin “Instagram” tregojnë qartë se ata tashmë janë duke shijuar kohën e tyre si çift.
