Standard.al

Pandemia/ ISHP jep lajme jo të mira, kurba e Covid-19 do të rritet edhe në shkurt

0

2021 nisi me shtim të rasteve nga pandemia e Covid-19 në vendin tonë. Por edhe gjatë muajit shkurt, prekja e qytetarëve nga virusi vdekjeprurës do të vazhdojë të përhapet, duke shtuar numrat e të prekurve, por epidemiologët nënvizojnë se shumica e qytetarëve po e kalojnë lehtë gjendjen në kushtet e shtëpisë. Shtimi i numrit të të infektuarve është pasojë e grumbullimeve në fund të muajit dhjetor.

”Normalisht periudha e inkubacionit zgjat deri dy javë, fillon shfaqen rastet e para por ato ia transmetojnë njëri-tjetrit brenda familjes, shoqërisë dhe normalisht numri i rasteve rritet. Edhe java e parë dhe e dyta do vijojë në të njëjtën situatë. Nuk është shqetësuese pasi në spitale numri i rasteve nuk është rritur, nuk ka fluks të shtuar, shumica e kalojnë në gjendje të lehtë në kushtet e shtëpisë”,-shprehen ata.

Lajmi i mirë është se në Shqipëri nuk po qarkullon ndonjë mutacion i ri i Covid-19, si ai britanik apo afrikan. ”Nuk kemi indentifikuar nëse ka ardhur ndonjë mutacion britanik apo lloj tjetër”. Shqipëri regjistron 27 mijë raste aktive covid, prej tyre 16 mijë janë vetëm në kryeqytet. Të rinjtë 15-24 vjeç eshtë grupmosha më e prekur.

Leave A Reply

Your email address will not be published.

This site uses Akismet to reduce spam. Learn how your comment data is processed.