Pfizer dhe BioNTech kompanitë gjigande farmaceutike dorëzuan të premten në Administratën Ushqimore dhe Barnave të SHBA-së kërkesën në të cilën kërkojnë autorizimin e përdorimit emergjent për vaksinën e krijuar prej tyre ndaj Covid-19.
Kjo, është vaksina e parë e koronavirusit që kërkon hapësirë për t’u aplikuar në Shtetet e Bashkuara.
“Është krenari e madhe, gëzim dhe madje pak lehtësim që mund të them se kërkesa jonë për autorizimin e përdorimit emergjent për vaksinën tonë Covid-19 tani është në duart e FDA.- u shpreh drejtori ekzekutiv i Pfizer, pëmes videos të shpërndarë ditën e djeshme. Kjo është ditë historike, historike për shkencën dhe për gjithë ne të tjerët. Na u deshën vetëm 248 ditë, që nga dita kur konfirmuam bashkëpunimin tonë me BioNTech deri në momentin kur e dorëzuam tek FDA.”
Vaksina,e njohur si BNT162b2, me shumë mundësi do të jetë e disponueshme fillimisht për pjesën më të riskuar të popullsisë në SHBA nga mesi i dhjetorit. Të paktën kështu u shprehën gjatë një deklarate përfaqësuesit e Pfizer dhe BioNTech.
Vaksina kërkon gjithsej dy doza me disa javë hapësirë dhe mbrojtja arrihet 28 ditë pas dozës së parë.
Nëse FDA autorizon vaksinat, Komiteti Këshillimor i CDC-së për Praktikat e Imunizimit, një panel i pavarur ekspertësh, do të mblidhet brenda 24 deri në 48 orësh. Gjatë këtij takimi, komiteti pritet të vendosë nëse duhet të vaksinohen të gjithë, apo ka disa grupe njerëzish që duhen përjashtuar nga kjo vaksinë.
Vaksina Pfizer është veçanërisht e komplikuar, pasi ajo duhet të ruhet në minus 75 gradë Celsius, dhe zyrat e mjekëve apo farmacitë zakonisht nuk kanë ngrirës që shkojnë në temperatura kaq të ulta.
Grupet e para që pritet të marrin vaksinën janë punonjësit e kujdesit shëndetësor, të moshuarit, grupet më të rrezikuara, etj.
Burimi: CNN
